سرکار نے ملتان نوں کنٹینر لگا کے سیل کردتا:یوسف رضا گیلانی

ملتان(بیورورپورٹ )ملتان وچ پی ڈی ایم دے جلسے توں پہلاں قلعہ کہنہ قاسم باغ دان والے راستیاں تے اسٹیڈیم دے بار کنٹینرز لگا دتے گئے نیں۔ پی ڈی ایم نے 30نومبر نوں جلسے دا اعلان کر رکھیا اے۔ پر انتظامیہ نے اجازت نہیں دتی اے۔ پیپلز پارٹی دے سینئر رہنما یوسف رضا گیلانی نے آکھیا اے کہ سرکار نے ملتان نوں کنٹینر لگا کے سیل کردتااے۔ انٹری پوائنٹ اتے وی چیکنگ کررہی اے۔ اوہناں نے آکھیا اے کہ عوام تے پی ٹی آئی دے نال اے ساڈے نال تے کوئی نہیں اے۔ سرکار لوکائی نوں آن دیوے جس نے نہیں آنا اوہ نہیں آوے گا۔ پچھلے وزیراعظم یوسف رضا گیلانی ہوراں دا آکھنا سی کہ سرکار نے لسٹاں بنا کے جنوبی پنجاب توں ساڈے لوکائی نوں چک لیا اے۔ کیہ تھانیاں وچ کرونا نہیں اے جتھے ساڈے ورکرز نوں رکھیا گیا اے۔ اوہناں نے مزیدآکھیا اے کہ سرکار جلسہ ڈک کے حالات نوں مزید خراب کرنا چاہندی اے۔ کوئی طاقت پیپلزپارٹی نوںیوم تاسیس دا جلسہ کرن توں نہیں روک سکدا۔