پی آئی سی واقعہ، حکومتی حکمت عملی نال زیادہ نقصان توں بچ گئے: وزیراعظم
لہور: وزیراعظم عمران خان آکھیا اے پنجاب حکومت دی حکمت عملی نال پی آئی سی واقعہ وچ زیادہ نقصان توں بچ گئے۔
وزیراعظم عمران خان نے وزیر اطلاعات پنجاب فیاض الحسن چوہان نوں فون کیتا تے کل دے پی آئی سی واقعے دی تفصیلات پچھی۔
وزیراعظم نے فیاض چوہان ولوں معاملہ سلجھان لئی موقع تے اپڑن دی تعریف کیتی تے خیریت دریافت کردیاں پچھیا تہانوں وکلا تشدد دی وجہ توں کوئی سٹ تے نہیں لگی۔
وزیراعظم عمران خان آکھیا کسے نوں ہسپتال وچ بلوے دی اجازت نہیں دتی جا سکدی تے معاشرے دے ہر شعبے دا اسیں تحفظ کرنا اے، کل دا واقعہ شرمناک اے تے حکومت پنجاب دی حکمت عملی توں ودھ نقصان توں بچ گئے، پنجاب حکومت ٹھوس اقدامات کرکے آئندہ توں اجہے واقعات دی روک تھام یقینی بناوے۔
