بیروزگار سیاستدان ہوس اقتدار وچ اندھے ہوچکے نیں:فردوس عاشق

لہور(سٹی رپورٹر)معاون خصوصی وزیراعلیٰ پنجاب ڈاکٹر فردوس عاشق اعوان نے آکھیا اے کہ مفاد پرست پی ڈی ایم دے بیروزگار سیاستدان ہوس اقتدار وچ اندھے ہوچکے نیں۔پی ڈی ایم عوام دی زندگیاں نوں مسلسل خطرے وچ ڈال رہی اے۔ تفصیلا ت دے مطابق معاون خصوصی وزیراعلی پنجاب ڈاکٹر فردوس عاشق اعوان نے سماجی رابطے دی ویب سائٹ اتے ٹویٹ کردیاں ہویاںآکھیا اے کہ پی ڈی ایم باربار کرونا دے پھیلائو لئی دوستانہ ماحول فراہم کر رہی اے۔ پیپلزپارٹی خود سندھ دے کئی اضلاع نوں کرونا دے پیش نظر بند کرچکی اے۔ منافقت دی انتہا اے کہ جلسے لئی سندھ توں لوکائی لے آئے جارہے نیں۔ پی ڈی ایم دا بیروزگار ٹولہ اپنی سیاسی بیروزگاری دا بدلہ پنجاب دے عوام کولوں لے رہیااے۔ فردوس عاشق ہوراں نے مزیدآکھیا اے کہ مفاد پرست پی ڈی ایم دے بیروزگار سیاستدان ہوس اقتدار وچ اندھے ہوچکے نیں۔پی ڈی ایم عوام دی زندگیاں نوں مسلسل خطرے وچ ڈال رہی اے۔جلسے کرن دا ویلا بوہت پیا اے فیر کسی ویلے جلسے کرکے اپوزیشن اپنا شوق پوراکرلوے ۔ ہن پوری دنیا وچ کرونا شدت اختیار کرگیا اے۔