حج آپریشن 2018، قومی خزانے نوں9کروڑ دے نقصان دا انکشاف
کراچی( پنجابی میڈیا گروپ)وزارت مذہبی امور تے شاہین ایئر لائن دی ملی بھگت نال حج آپریشن2018 وچ قومی خزانے نوں 9کروڑ دا نقصان پہنچان دیمعاملے اُتے ایف آئی اے نے انکوائری شروع کر دتی۔ وزارت مذہبی امور دے افسراں نوں وی نوٹس گھلے جان گے ۔میڈیا رپورٹ دے مطابق وزارت مذہبی امور تے بین المذاہب ہم آہنگی دے حکام نے قومی خزانے نوں9 کروڑ روپے کا نقصان پہنچان وچ اہم کردار ادا کیتا۔ حج آپریشن دے دوران نجی ایئر لائن نوں عازمین حج نوں کوئٹہ تے پشور توں کراچی ایئر پورٹ منتقل کرن دی ذمہ داریاں دتیاں گیاں تے ٹھیکے دے مطابق کمپنی نوں18کروڑ روپے ادا کیتے گئے ، لیکن شاہین ایئر لائن اپنی ذمہ داری ادا کرن وچ ناکام رہی، جس اُتے ایئر لائن دی انتظامیہ نوں9 کروڑ روپے واپس کرن دے احکامات جاری کیتے گئے ، جس اُتے کمپنی ولوں وزارت مذہبی امور تے بین المذاہب ہم آہنگی دے حکام نوں چیک جاری کیتا گیا جو کہ بعدازاں بانس ہو گیا۔
