نارنگ منڈی وچ بس تے وین وچ تصادم، 12 افراد جاں بحق ، 15 زخمی
شیخو پورہ( پنجابی میڈیا گروپ ) شیخوپورہ دے نیڑے نارنگ منڈی وچ کالا خطائی روڈ اتے درباردے نیڑے بس تے ٹویوٹا وین دے وچکار خوفناک تصادم ہویا۔ تصادم دے نتیجے وچ 12افراد جاں بحق تے 15زخمی ہوگئے۔واقعہ دی اطلاع ملدیاں ای ریسکیو1122تے دیگرامدادی ٹیماں موقع اتے اپر گئیاں۔زخمیاں نوں نیڑے اسپتالاں وچ منتقل کردتا گیا۔ ریسکیو ذرائع دے مطابق حادثے دے نتیجے وچ بس تے وین نوں اگ لگ گئی جہدے باعث متعدد مسافر جھلس کے زخمی ہوئے جدکہ اگ لگن دی وجہ بس تے وین دوواں جل کے خاکستر ہوگئے۔ اگ لگن دی وجہ وین وچ لگیا گیس سلنڈر دسی جارہی اے۔ دوجے پاسے وزیراعلیٰ پنجاب عثمان بزدار نے شیخوپورہ دے نیڑے ٹریفک حادثے وچ قیمتی انسانی جاناں دے ضیاع اتے دکھ تے افسوس دا اظہار کیتا۔
