پی ڈی ایم جلسہ: ملتان وچ موبائل سروس معطل، کئی مقامات اتے انٹرنیٹ وی بند
ملتان ( پنجابی میڈیا گروپ)ملتان وچ پی ڈی ایم دے جلسے دے باعث بیشتر سڑکاں بند کردتیاں گیاں نیں۔ جدکہ شہر وچ موبائل فون تے انٹرنیٹ سروس وی معطل کر دتی گئی ۔پی ڈی ایم دے جلسے نوں روکن لئی مختلف اضلاع توں پنجاب پلس دی اضافی نفری نوں طلب کرلیا گیا اے جدکہ کارکناں نوں منتشر کرن لئی آنسو گیس دے شیل تے ربڑ دی گولیاں منگوا لیاں گیاں نیں۔ سیڈیم نوں کارکنان تو ں خالی کرا کے اک واری فیئر توں تالے لگا دتے گئے نیں۔ سٹیڈیم دے نال سیاسی رہنمائواں دے پینافلیکس تے بینرز وی اتار دتے گئے نیں جدکہ چوک گھنٹہ گھر دے اطراف پلس دی بھاری نفری تعینات کرکے رکاوٹاں کھڑیاں کردتیاں گیا ںنیں۔ پلس نے گیلانی ہائوس جان والے راستے سیل کردتے نیں جدکہ شہر دی بیشتر سڑکاں اتے رکارٹاں کھڑی ہون دے نال عام شہریاں نوں شدید مشکلا ں داساہمنا رہیا۔
