سرکارنے ملتان جلسے دی ساریاں رکاوٹاں ہٹان دی ہدایت کر دتی: شہباز گل

اسلام آباد(پنجابی میڈیا گروپ)معاون خصوصی شہباز گل نے آکھیا اے کہ سرکارنے ملتان جلسے دی ساریاں رکاوٹاں ہٹان دی ہدایت کر دتی۔کسی رہنما تے کارکن نوں وی جلسے وچ شرکت توں نہیں روکیا جاوے گا۔ قبل ازیںمعاون خصوصی ڈاکٹر شہبازگل نے مریم نواز دے بیان اتے ردعمل دیندیاں ہویاں آکھیا اے کہ مریم صفدر عوام دی جاناں دے نال کھیلن دی کوشش کر رہیاں نیں۔ ایناں صرف ذاتی مال دی فکر اے عوام دی نہیں۔ موصوفہ اپنے مقصد لئی عوام نوں بلی چڑھ رہیاں نیں۔ شہبازگل ہوراں نے مزیدآکھیا اے کہ مریم دے نیڑے کرپشن ایجنڈے دی تکمیل اہم اے۔ جلسیاں و چ نکامی ایہناں دے اعصاب اتے سوار ہوگئی اے ہن ایہہ ریاست نوں رٹ نوں چیلنج کرن لئی کارکنان نوں استعمال کر رہے نیں۔ ایہناں دے کول عوام نوں دسن لئی سوائے جھوٹھ دے کجھ نہیں۔ عوام ایہناں گوجرانوالہ تے پشاور وچ رد کرچکے نیں۔