عقل دی اندھی اپوزیشن ہوش دے ناخن لوے: فردوس عاشق

لہور( سٹی رپورٹر ) وزیراعلیٰ پنجاب دی معاون خصوصی برائے اطلاعات فردوس عاشق اعوان نے آکھیا اے کہ اپوزیشن دی سرگرمیاں دے نال سرکار نہیں عوام دی صحت نوں خطرہ لاحق اے۔سماجی رابطیاں دی ویب سائٹ اتے اپنے اک ٹوئٹ اوہناں نے آکھیا اے کہ کرونا دے خلاف پنجاب سرکار پرعزم اے۔ کروناکی دوجی لہر زیادہ شدید اے۔ ایس لئی عوام احتیاط دا دامن ہتھوں نے چھڈن۔عوام دے جن ومال دی محافظ بزردار سرکار چاہندی اے کہ عقل دی اندھی اپوزیشن ہوش دے ناخن لوے تے عوام دی جاناں دے نال کھیڈن توں گریز کرے۔ ڈاکٹرفردوس عاشق اعوان ہوراں نے آکھیا اے کہ سیاست ہوندی روے گی پر زندگی دے نقصان دا ازالہ نہیں ہوندا۔ جس شہر وچ وی پی ڈی ایم دا جلسہ ہویا اوتھے کرونا تیزی دے نال پھیلا۔میں ذاتی تور تے دعا گوواں اللہ ایس وبا توں سبھ نوں محفوظ رکھے۔ اوہناں نے مزیدآکھیا اے کہ سرکار نوں جلسے جلوس یا ریلیاں دے نال کوئی خطرہ نہیں ۔بس انج دی سرگرمیاں دے نال صرف عوام دی صحت نوں خطرہ لاحق اے۔