بیگم صفدر نے ذاتیات دی سیاسی روایات نوں فیر توں زندہ کردتا:فیاض الحسن چوہان
لہور (سٹی رپورٹر) صوبائی وزیر کالونیز و جیل خانہ جات فیاض الحسن چوہان نے آکھیا اے کہ مریم صفدر نے ملتان جلسے وچ عمران خان تے ایہناں دی والدہ توں متعلق گھٹیاں جملے استعمال کیتے جہناں دی جتنی مذمت کیتی جاوے گٹھ اے۔ لیگی رہنما یاد رکھن شیشے دے گھر وچ بیٹھ کے دوجیاں دی طرف پتھر نہیں سوٹن۔ وزیر کالونیز و جیل خانہ جات پنجاب فیاض الحسن چوہان نے بیگم صفدر اعوان دے ملتان جلسے وچ دتے گئے بیانات تے ردعمل دیندیاں ہویاں آکھی اے کہ بیگم صفدر اعوان نے آل شریف دی ذاتیات دی سیاسی روایات نوں فیر توں زندہ کردتا اے۔ اوہناں نے مزیدآکھیا اے کہ مریم صفدر نے ملتان جلسے وچ عمران خان تے ایہناں دی والدہ توں متعلق گھٹیاں جملے استعمال کیتے جہناں دی جتنی مذمت کیتی جاوے گٹھ اے۔ لیگی رہنما یاد رکھن شیشے دے گھر وچ بیٹھ کے دوجیاں دی طرف پتھر نہیں سوٹن۔ وزیراعظم عمران خان ہوراں نے نوازشریف دی والدہ یا کسی بزرگ دے متعلق کدی کوئی بیانات نہیں دتے۔ فیاض الحسن چوہاں ہوراں نے آکھیا اے کہ سبھ جاندے نیں عمران خان نے اپنی والدہ دی محبت وچ ارباں دی لاگت دے نال سٹیٹ آف دی آرٹ ہسپتال بنایا۔ دوجے پاسے شریف خاندان نے اپنی والدہ دی وفات اتے جو کیتا ایہدے اتے کسی تبصرے دی لوڑ نہیں۔ بیگم صفدر اعوان سیاست وچ انتہائی نقصان دہ روایات ڈال رہی نیں۔فیاض الحسن نے مزیدآکھیا اے کہ الزامات دی سیاست وچ بیگم صفدر اعوان دی ذاتی زندگی وی ایہدی لپیٹ وچ آوے گی۔
