ساڈے کیس دی کارروائی براہ راست نشر کیتی جاوے، شاہد خاقان عباسی

اسلام آباد(بیورو رپورٹ)پچھلے وزیر اعظم شاہد خاقان عباسی نے آکھیا اے کہ اج وی درخواست کیتی اے کہ ساڈے کیس دی کارروائی براہ راست نشر کیتی جاوے،ایس کیس دے شکایت کنندہ شیخ رشید احمد صاحب نیں ۔عدالت توں درخواست اے کہ ایہناں بلائو تے پچھو کیہہ جرم ہویا اے۔ کل ساڈی پریس کانفرنس دے جواب وچ وفاقی وزراء نے پریس کانفرنس کیتی۔ وفاقی وزراء نوں تکلیف چکنا پئی جواب ایہناں دے کول اے ای نہیں۔ گردشی قرضے وچ اضافے دی وجوہات اوہ نہیں دس سکدے۔ احتساب عدالت پیشی دے موقع اتے میڈیا دے نال گل بات کردیاں ہویاں شاہد خاقان عباسی نے آکھیا اے کہ اک وزیر صاحب دو سال توں آکھ رہے نیں ن لیگ نے بڑی مہنگی بجلی لگا دتی ۔ دو سال توں ا ینج آکھ رہے نیں پر ایہناں دے کول کوئی ثبوت نہیں اے۔ حقیقت ایہہ اے کہ ن لیگ نے سستی بجلی لگائی اے۔ ایس سرکار نے دوسال وچ کوئی کھمبا وی نہیں لگایا ہووے تے تصویر بھیج دیو۔میرا مشورہ اے کہ وفاقی وزرای شیخ رشید دی طرحاں نیب نوں درخواست بھیجیں۔ ایہہ معاملہ نیب نویں بھیجو تاکہ ایہدی وی چھان بیان کیتی جاوے۔