کورونا دے 2ہزار458 نئے کیسز ریکارڈ،تعداد4 لکھ توں تجاوز کرگئی
اسلام آباد (بیورو رپورٹ)عالمی وبا کورونا وائرس دے سبب پاکستان وچ2 ہزار 458 نئے کیسز رپورٹ ہوئے نیں تے متاثرہ افراد دی کل تعداد4 لکھ482 ہوگئی اے۔نیشنل کمانڈ اینڈ کنٹرول سینٹر دے مطابق 24 دے دوران کرونا دے نال مزید 67 اموات رپورٹ ہوئیاں نیں تے مرن والیاں دی مجموعی تعداد 8 ہزار91 اے۔پاکستان وچ کورونا دے3لکھ 43 ہزار286 مریض صحتیاب ہو چکے نیں تے49ہزار105 زیر علاج نیں۔اسلام آباد وچ کورونا کیسز دی تعداد30 ہزار408، خیبرپختونخوا وچ74 ہزار370، سندھ وچ اک لکھ 74 ہزار 350، پنجاب وچ اک لکھ 19 ہزار578، بلوچستان وچ 17 ہزار187، آزاد کشمیر وچ 6 ہزار933 تے گلگت بلتستان وچ 4 ہزار 658 افراد کورونا توں متاثر ہوچکے نیں۔ کرونا دے سبب سبھ توں زیادہ اموات پنجاب وچ ہوئیاں نیں۔ جتھے تن ہزار 36افراد جان دی بازی ہار چکے نیں۔ سندھ وچ 2 ہزار935، خیبر پختونخوا وچ اک ہزار 369، اسلام آباد وچ 318، گلگت بلتستان وچ 97، بلوچستان وچ 167 تے آزاد کشمیر وچ 169 افراد جان دی بازی ہار چکے نیں۔پاکستان وچ کورونا دے نال اموات دی شرح2.02 فیصد ہوگئی اے۔
