جمہوریت دا جھنڈا نوجواناں نے سنبھال لیا: آصف زرداری
کراچی:( پنجابی میڈیا گروپ )سابق صدر آصف علی زرداری نے آکھیا کہ اطمینان دی گل اے جمہوریت دا جھنڈا نوجواناں نے سنبھال لیا اے، ملک نوں لاحق مرض دا علاج میثاق جمہوریت اُتے عمل اے۔
سابق صدر آصف زرداری نے پی ڈی ایم دی قیادت کیتی پیپلزپارٹی دے یوم تاسیس وچ رلت اُتے اظہار تشکر کردیاں ہوئیاں آکھیا کہ ساریاں سیاسی پارٹیاں دے کارکناں نوں سلام پیش کرنا واں۔ ثابت ہوئیا کہ سیاسی کارکن لاٹھی، گولی تے جیل توں نہین ڈردے، پارلیمینٹ دی بالادستی تے آئین دی حکمرانی لئی جدوجہد کامیاب ہوئے گی۔آصف زرداری دا کہنا سی کہ جمہوریت تے سیاسی پارٹیاں نوں کمزور کرن نال قومی یکجہتی متاثر ہندی اے۔ احتساب دی آڑ وچ سیاسی قیادت دی کردار کشی دے ایجنڈا نے ملک دی ساکھ متاثر ہندی اے۔
