کے پی کے میڈیکل کالج!138طلباء وچ کورونا دی تصدیق

پشاور:( پنجابی میڈیا گروپ) خیبر پختونخوا دے میڈیکل کالج وچ داخلے دے خواہشمند138طلبہ وچ کورونا وائرس دی تصدیق ہوگئی، پاکستان میڈیکل کمیشن نے متاثرہ طلبہ لئی خصوصی انٹری ٹیسٹ دا فیصلہ کرلیا۔
خیبر پختونخوا دے مختلف میڈیکل اینڈ ڈینٹل کالجاں وچ داخلے دے خواہشمند138طلبہ تے طالبات وچ کورونا وائرس مثبت آ گیا اے جس دے باعث طلبہ داخلے توں محروم رہ گئے۔ پاکستان میڈیکل کمیشن نے کورونا توں متاثرہ طلباء لئی خصوصی داخلہ ٹیسٹ لین دا فیصلہ کرلیا جو13دسمبرنوں ہوئے گا۔پی ایم سی دے مطابق29نومبر نوں منعقدہ داخلہ ٹیسٹ وچ کورونا پازیٹو طلبہ دا ٹیسٹ نہیں لیتا گیا سی۔ طلبہ نوں ٹیسٹ وچ بیٹھن دی اجازت وی نہیں دتی گئی سی، میڈیکل اینڈ ڈینٹل کالجاں وچ داخلہ ٹیسٹ لئی ملک بھر توں1لکھ25ہزارطلبہ نے رجسٹریشن کیتی سی۔