لہور ایئرپورٹ توں بیرون ملک منشیات سمگل کرن دی کوشش نکام

لہور( سٹی رپورٹر ) علامہ اقبال انٹرنیشنل ایئرپورٹ اتے ایئرپورٹ سکیورٹی فورس (اے ایس ایف) نے وڈی کارروائی کردیاں ہویاں کروڑاں روپے مالیت دی اعلیٰ کوالٹی دی منشیات بیرون ملک اسمگلنگ دی کوشش نکام بنا دتی۔ مسافر نوں حراست وچ لے لیا گیا۔ جس نے منشیات بیگ دے خفیہ خانیاں وچ لوکا ررکھی سی۔ اوہ غیر ملکی ایئرلائن دی پرواز کیو آر 629 دے ذریعے دوحہ توں اٹلی دے شہر میلان جارہیا سی ۔ اے ایس ایف نے ایہدے بیگز دے خفیہ خانیاں دی تلاشی لئی تے نو کلو گرام توں زائد ہیرئن برآمد ہوگئی جہدی بین الاقوامی منڈی وچ قیمت کروڑراں دسی جاندی اے۔ ترجمان اے ایس ایف دے مطابق مسافر نے ہیروئن بیگ خفیہ خانیاں وچ لوکا رکھی سی ۔ اے ایس ایف نے مزید قانونی کارروائی لئی ملزم نوں اینٹی نارکوٹکس فورس دے حوالے کردتا۔