دل دا ہسپتال 2دن بعد وی فعال نہ ہو سکیا، ایمرجنسی تے آؤٹ ڈور بدستور بند
لہور: دل دا ہسپتال دور دن بعد وی فعال نہ ہو سکیا، ایمرجنسی تے آؤٹ ڈور بدستور بن نیں، ہزاراں مریض متاثر ہو رہے نیں، خوف وچ مبتلا عملہ وی ڈیوٹی تے واپس نہ آیا۔
پنجاب انسٹی ٹیوٹ آف کارڈیالوجی تیجے دیہاڑ وی بند رہیا، مریضاں نوں شدید مشکلات دا ساہمنا کرنا پیا، ہن تک تقریباً 12ہزار دل دے مریض متاثر ہو چکے نیں، 35دے قریب بائی پاس، 200انجیو پلاسٹی تے 250دے قریب انجیو گرافی نہ ہو سکیاں، دل دے مریض تشخیصی ٹیسٹاں توں وی محروم رہے۔ دوجے پاسے پی آئی سی او پی ڈی وچ میڈیسن کاؤنٹر وی بحال کر دتا گیا اے تے انتہائی نگہداشت یونٹ وچ پہلاں توں زیر علاج مریضاں نوں داواں دی فراہمی وی شروع کر دتی گئی اے۔
پی آئی سی دے چیف ایگزیکٹو افسر پروفیسر ڈاکٹر ثاقب شفیع نے دسیا کہ رات 8وجے ایمرجنسی سنے ہسپتال نوں مکمل فعال کر دتا جاوے گا جد کہ او پی ڈی کل توں کھلی ہووے گی۔
