گلگت بلتستان دے عوام دا حساس محرومی داخاتمہ کراں گا:عمران خان

گلگت ( بیورو رپورٹ )وزیراعظم عمران خان نے آکھیا اے کہ گلگت بلتستان دے عوام دا حساس محرومی داخاتمہ کراں گا۔ایہدے لئی میں سبھ توں پہلاں گلگت دی صوبائی حیثیت اتے کم کراں گا۔ انج دی سرکار لے آواں گا جہڑی نئی وایت قائم کرے گی۔ وزیراعظم نے آکھیا اے کہ نواز شریف تے آصف علی زرداری نوں 30 وریاں تو ںجانواں۔ اللہ دا ایہناں اتے عذاب نازل ہوندیاں ویکھیا اے۔ ایہہ جھوٹھ بول کے کدی لندن کدی دبئی جاندے نیں۔ کرونا دے نال لوکائی مررہے نیں تے اپوزیشن چوری بچان لئی جلسے کر رہی اے۔ اسحاق ڈار دا انٹرویو جھوٹھ دا پلندہاے۔ گل بات چ ایہدی شکل ویکھن والی سی۔ گلگت بلتستان دی نو منتخب کابینہ دے نال خطاب کردیاں ہویاں وزیراعظم عمران خان ہوراںنے آکھیا اے کہ گلگت وچ انج دی سرکار آوے گی جہڑی نئے اسٹینڈرڈ قائم کرے گی۔ تہاڈا علاقہ جاندا واں تے مسائل توں آگاہ واں۔ سبھ توں پہلا گلگت بلتستان دی صوبائی حیثیت اتے کم کرن گے۔ ایتھوں دے لوکائی لئی ہیلتھ انشورنس لے کے آرہے آں۔ جہدے نال دس لکھ روپے تیک لوکائی کسی وی اسپتال وچ فری علاج کروا سکن گے۔ وزیراعظم داآکھنا سی کہ گلگت بلتستان دی ٹورازم اتے پوری توجہ دتی جاوے گی، بدقسمتی دے نال کرونا دی وجہ توں زیادہ سیاح نہیں آسکے۔ لوکائی نوں اپنے گھراں دے نال گیسٹ روم بنان لئی سستے قرضے فراہم کراں گے۔ عمران خان نے آکھیا اے کہ علاقہ سی پیک دے رستے وچ اے ، ایس لئی ایتھے پہلااسپیشل اکنامک زون بناواں گے۔وزیراعظم نے پچھلے صدر تے پچھلے وزیراعظم نوں اک واری فیئر تنقید دا نشانہ بناندیاں ہویاں آکھیا اے کہ لیڈر وچ دو خصوصیت ہوندیاں نیں صادق تے امین ہونا بوہت ضروری اے۔ حوام دا پیسا اللہ دی لعنت اے۔ نواز شریف تے آصف علی زرداری نوں 30 وریاں تو ںجانواں۔ اللہ دا ایہناں اتے عذاب نازل ہوندیاں ویکھیا اے۔ ایہہ جھوٹھ بول کے کدی لندن کدی دبئی جاندے نیں۔ کرونا دے نال لوکائی مررہے نیں تے اپوزیشن چوری بچان لئی جلسے کر رہی اے۔ اسحاق ڈار دا انٹرویو جھوٹھ دا پلندہاے۔ گل بات چ ایہدی شکل ویکھن والی سی۔انج دا لگ رہیا سی ایس نہوں ہنی ہارٹ اٹیک آجانا اے۔