سرکارنوں پیٹرول بحران تے قیمتاں وچ اضافے دے حوالے نال کمیشن دی رپورٹ پبلک کرن لئی 14دسمبر تیک مہلت
لہور (سٹی رپورٹر)چیف جسٹس لاہور ہائیکورٹ جسٹس محمد قاسم خان نے سرکارنوں پیٹرول بحران دی قیمتاں وچ اضافے دے حوالے نال کمیشن دی رپورٹ پبلک کرن لئی 14دسمبر تیک مہلت دیدتی۔چیف جسٹس محمد قاسم خان نے درخواست اتے سماعت کیتی ۔چیف جسٹس نے رپورٹ پبلک نہ کرن دی صورت وچ 14دسمبر نوں کمیشن دے سربراہ ابوبکر خدابخش نوں پیش ہون دا حکم دیندیاں ہویاں آکھیا اے کہ کمیشن دے سربراہ رپورٹ بند لفافے وچ عدالت وچ جمع کروان۔ ایڈیشنل اٹارنی جنرل نے آکھیا کہ پیٹرول بحران دی قیمتاں وچ ا ضافے توں متعلق چھان بین مکمل ہو چکیاں نیں۔ رپورٹ نوں پبلک کرن لئی کابینہ بھجوا دتی اے۔ چیف جسٹس قاسم خان نے مزیدآکھیا کہ سرکار تے شفافیت دی گل کردی اے وزیراعظم عمران خان آکھدے نیں ہر ایشو دی رپورٹ پبلک ہونی چاہیدی فیر ایہہ کیوں نہیں ہوئی ؟
