ضلعی انتظامیہ دا پی ڈی ایم نوں مینار پاکستان اُتے جلسے دی اجازت دین توں انکار

لہور( پنجابی میڈیا گروپ)ضلعی انتظامیہ نے پاکستان ڈیموکریٹک موومنٹ (پی ڈی ایم) نوں لہوردے گریٹر اقبال پارک وچ جلسے دی اجازت دین توںانکار کر دتا ہے۔ خیال رہے کہ اپوزیشن اتحاد نے13دسمبر نوں لہور وچ جلسہ کرن دا اعلان کر رکھیا اے۔مسلم لیگ (ن) دے رہنماواں رانا مقبول، سابق مئیر لہور کرنل ریٹائرڈ مبشر جاوید، رکن صوبائی اسمبلی سمیع اللہ خان، راجہ خرم اور امتیاز الہی نے ڈپٹی کمشنر نوں مینار پاکستان اُتے جلسے دی درخواست دتی سی۔لیکن ڈپٹی کمشنر لہور مدثر ریاض ملک نے موجودہ تناظر وچ جلسے دی اجازت دین توںصاف صاف انکار کر دتا۔ اوہناں دا کہنا سی کہ جلسہ ہونا ہے یا نہیں ایس دا فیصلہ پنجاب حکومت نے کرنا اے۔ ایہ سابق حکومت دا ہی فیصلہ اے کہ گریٹر اقبال پارک وچ جلسے نہیں ہو سکدے۔ڈپٹی کمشنر لہور دا کہنا سی کہ انتظامیہ نے حکومت دی گائیڈ لائنز اُتے عمل درآمد کرنا اے۔ ایہ کس طرح ممکن اے کہ اپوزیشن ولوںکورونا وائرس ایس او پیز اُتے عمل ہوئیگا۔