سیاست، سیاسی میدان وچ کرو، مذہب اُتے نہیں، مولانا طاہر اشرفی

اسلام آباد( پنجابی میڈیا گروپ) وزیراعظم دے معاون خصوصی مولانا طاہر اشرفی نے اپوزیشن رہنماواں نوں مشورہ دتا اے کہ اوہ مذہب دے ناں تے سیاست نہ کرن۔ مولانا طاہر اشرفی دا پریس کانفرنس کردیاں کہنا سی وزیراعظم عمران کان دی انتھک کوششاں پاروں مسئلہ کشمیر اک وار فیر عالمی فورمز تے اجاگر ہویا۔ عالمی سطح تے مسئلہ کشمیر، فلسطین اجاگر ہونا تے اسلاموفوبیا دے خلاف آواز خارجہ پالیسی دی کامیابی اے۔ جدوں تک مسئلہ کشمیر حل نہیں ہوندا اسیں کشمیری بھراواں دے نال کھڑے آں۔ مسئلہ کشمیر تے فلسطین دے مسئلے دا حل مسلم امہ دی پہلی ترجیح اے۔ معاون خصوصی دا کہنا سی کجھ لیڈر پاکستان وچ لیبیا ورگی صورتحال پیدا کرنا چاہندے نیں۔ بداعتمادی پیدا کرن والے نکام ہون گے۔ اجہے لیڈر سلامتی دے اداریاں تے عوام وچکار بداعتمادی پیدا دی کوشش کر رہے نیں۔ وزیراعظم دے معاون خصوصی نے اپنی پریس کانفرنس وچ والدین توں اپیل کیتی کہ اوہ اپنے بالاں نوں پولیو دے قطرے لازمی پیان۔