نوازشریف دی صحت دا معاملہ، ڈاکٹر نے زہر خوانی دا خدشہ ظاہر کر دتا

لہور: ذرائع دے مطابق سابق وزیراعظم نوازشریف دے پلیٹ لیٹس دا معاملہ ڈاکٹراں لئی معمہ بن گیا اے۔ سرجن ڈیوڈ آر لارنس نے وی زہر خوانی دا خدشہ ظاہر کر دتا اے۔

ڈاکٹراں دا کہنا اے نوازشریف دے پلیٹ لیٹس متوازن نہ ہوئے تے ٹاکسیلوجی سکرینگ کرانا پوے گی۔ اودھر ڈاکٹر دی رپورٹ پاکستان دی عدالت وچ جمع کرا دتی گئی اے۔رپورٹ وچ آکھیا گیا اے نوازشریف دی صحت ٹھیک نہیں اے، اوہناں دے پلیٹ لیٹس نوں مستحکم کرن لئی علاج جاری اے۔

نوازشریف دے محفوظ علاج لئی 50ہزار توں ڈیڑھ لکھ تک پلیٹ لیٹس ہونے چاہیدے نیں۔ لہور ہائی کورٹ وچ جمع کرائی گئی رپورٹ دے مطابق نوازشریف نوں دل وچ خون دیاں شریاناں دا وی مسئلہ اے بائی پاس آپریشن دے بعد اوہناں دی طبیعت کجھ بہتر اے، پر خون دیاں شریاناں وچ مسئلے نیں۔ رپورٹ وچ ہور آکھیا گیا اے نوازشریف دے دل دی ایم آر آئی وی رہی اے۔ اوہناں نوں دو واری واک وی کرنی چاہیدی اے۔

اوہناں دے مرض دی مکمل تشخیص دا عمل وی جاری اے۔ وسیلیاں دے مطابق نوازشریف دے وکیل ولوں ہائی کورٹ وچ جمع کرائی گئی تازہ ترین رپورٹ برطانیہ وچ پاکستانی ہائی کمیشن توں تصدیق شدہ اے۔