سیکرٹری دے لائسنس معطلی دا معاملہ، پاکستان بار کونسل دا 19دسمبر نوں ہڑتال دا اعلان

اسلام آباد: سیکرٹری اسلام آباد ہائی کورٹ بار عمیر بلوچ نوں توہین عدالت دے شوکاز نوٹس تے لائسنس معطلی تے پاکستان بار کونسل وی میدان وچ آ گئی، پاکستان بار کونسل نے 19دسمبر نوں توہین عدالت کیس دی سنوائی دے روز ملک گیر ہڑتال دی کال دے دتی۔

وکیلاں نے 19دسمبر نوں توہین عدالت کیس سماعت تک چیف جسٹس اطہر من اللہ دی عدالت دے مکمل بائیکاٹ دا فیصلہ کر لیا۔

ہائی کورٹ بار دی جنرل باڈی وچ قرارداد منظور کر لئی گئی جہدے وچ آکھیا گیا وکلاء احتجاجاً چیف جسٹس دی عدالت وچ پیش نہیں ہون گے، سیکرٹری عمیر بلوچ دے لائسنس دی بحالی تک چیف جسٹس اسلام آباد ہائی کورٹ دی عدالت دا بائیکاٹ رہوے گا، 19دسمبر نوں ملک بھر دے وکلاء نمائندے ہائی کورٹ دے چیف جسٹس دی عدالت وچ پیش ہون گے، عمیر بلوچ دے لائسنس معطلی معاملے تے سارے پاکستان دے وکلاء متحد نیں۔

تن نویں ججاں دی تقریب حلف برداری وچ رلت کرن والے وکیلاں دے لائسنس اک مہینے لئی معطل کرن دا فیصلہ کیتا گیا اے۔