پنجاب وچ گندم تے آٹے دی کوئی قلت نہیں،وزیر خوراک پنجاب علیم خان
لہور( بیورو رپورٹ ) وزیر خوراک پنجاب علیم خان نے آکھیا اے کہ پنجاب وچ گندم تے آٹے دی کوئی قلت نہیں،پچھلے روز وزیر خوراک پنجاب عبدالعلیم خان دی زیر صدارت اجلاس ہویا جہدے وچ صوبے بھر وچ گندم تے آٹے دی موجودگی تے قیمتاں داجائزہ لیا گیا ۔
اجلاس دے نال خطاب کر دیاں ہویاں علیم خان ہواں نے آکھیا اے کہ پنجاب وچ گندم تے آٹے دی کوئی قلت نہیں،ہر جگہ وافر سٹاک موجود اے۔ فلور ملز دی لوڑ دے مطابق گندم دی روزانہ فراہمی جاری اے۔
اوہناں نے آکھیا ا ے کہ مقررہ قیمتاں اتے 20 تے 10کلو آٹے دے تھیلے فراہم کیتے جا رہے نیں، محکمہ خوراک صوبے لئی مارچ اپریل تیک گندم دے ذخائر یقینی بنائے، اٹک، بھکرتے کشمور توں گندم دی دوجیاں صوبیاں وچ ترسییل دی مانیٹرنگ کراں گا۔
Load/Hide Comments





















