پی ڈی ایم دا لہور جلسہ تاریخ ساز ہووے گا ، رانا تنویر حسین
شیخوپورہ(بیورو رپورٹ)پاکستان مسلم لیگ (ن)دے مرکزی سینئر رہنما و چیئرمین پبلک اکاؤنٹس کمیٹی رانا تنویر حسین ایم این اے نے آکھیا اے کہ اپوزیشن جماعتاں دے عوامی پذیرائی توں محروم ہون دا دعویٰ کرن واالے موہنہ لوکاندے پھر رہے نیں۔
پی ڈی ایم دا لہور جلسہ تاریخ ساز ہووے گا۔جہدے بعد حکمراناں دا مزید برسراقتدار رہنا ممکن نہیں روے گا۔
لوکائی مہنگائی دے سبب پیٹ کٹ کے جین اتے مجبور نیں۔ ہر طرف پسماندگی ،مایوسی تے ناامیدی دے سائے چھائے ہوئے نیں تے ملک گھمبیر صورتحال توں دوچارکردتا گیا اے۔
ویلا آگیا اے کہ عوام اپنے حق دی خاطر اٹھ کھڑے ہون ورنہ بوہت دیر ہوجاوے گی۔ میاں نوازشریف نوں سیاست توں الگ کرن تے عمران خان ٹولے نوں لے آن لئی ذاتیات دی سیاست کیتی گئی ایہدے باوجود میاں نوازشریف دے دلاں توں نہیں کڈیا جا سکا۔
ملک وچ اج وی ایہناں داووٹ بینک موجود اے۔ پی ٹ یآء یدا بوہت جلد دھڑن تختہ ہووے گا۔ تبدیلی تے نئے پاکستان دے ناں اتے قوم نوں دھوکہ دتا گیا اینج دے حالات وچ ملک تے عوام وچ بہتری دی کوئی امید نہیں۔





















