اسلام آباد ہائی کورٹ، جلسیاں تے مذہبی اجتماعواں تے پابندی دی عرضی رد
اسلام آباد: عدالت نے کورونا ایس او پیز دی خلاف ورزی کرن والے سیاسی جلسیاں تے مذہبی اجتماعواں تے پابندی دی عرضی رد کر دتی۔ اسلام آباد ہائی کورٹ دے چیف جسٹس اطہر من اللہ نے کورونا ایس او پیز دی خلاف ورزی کرن والے سیاسی جلسیاں تے پابندی دی عرضی رد کر دیاں درخواست ناقابل سماعت دے دتی۔ ایس توں پہلاں سماعت دے دوران درخواست گزار دا موقف سی کہ ملک وچ وڈے اجتماعواں نال کورونا پھیلن دا خدشہ اے ایس لئی این سی او سی نوں حکم دتا جائے کہ اوہ آؤٹ ڈور جلسیاں بارے گائیڈ لائن تے پابندی کرائے، سیاسی و مذہبی اجتماعواں نوں روکن دا حکم دتا جائے تے پیمرا نوں حکم دتا جائے کہ کورونا گائیڈ لائن دی خلاف ورزی والی خبر چینلاں نوں چلان توں روکے۔ وکیل نے آکھیا تسیں حالیہ فیصلے وچ اکھیا این سی او سی دے فیصلیوں تے عملدر آمد کرنا لازم ہے، این سی او سی گائیڈ لائنز دے باوجود ایہناں دی خلاف ورزی جاری اے۔ چیف جسٹس اطہر من اللہ نے اپنے ریمارکس وچ آکھیا کیہ ایہ ملک قنون دی عمل داری دے تحت چل رہیا اے؟ سادی عام پبلک وی ایس او پیز تے عمل نہیں کر رہی سب توں ودھ غریب ایہدے توں متاثر ہووے گا، پارلیمنٹ خاموش، ایگزیکٹو وی عمل نہیں کرا رہی شہری وی نہیں کر رہے اسیں کیوں غیر ضروری مداخلت کریئے۔ بعدوں عدالت نے درخواست تے فیصلہ محفوظ کر لیا۔
