بی این پی دے سردار اختر مینگل دے نال مذاکرات جاری نیں: ڈپٹی سپیکر

کوئٹہ: ڈپٹی سپیکر قومی اسمبلی قاسم سوری دا کہنا اے خواہش اے بی این پی دوبارہ اتحاد وچ شامل ہون، ایس حوالے نال سردار اختر مینگل دے نال مذاکرات جاری نیں۔ کوئٹہ وچ میڈیا نال گل کردیاں ڈپٹی سپیکر قومی اسمبلی قاسم سوری دا کہنا سی پی ٹی ائی نوں بلوچستان سرکار تے پورا اعتماد اے، نیب بلوچستان وچ کرپٹ عناصر دے خلاف کاروائی کرے۔ بی این پی دے سربراہ سردار اختر مینگل دے نال مذاکرات جاری نیں، خواہش اے کہ بی این پی دوبارہ اتحاد وچ شامل ہووے۔ قاسم سوری دا کہنا سی کورونا وائرس دا کھلار خطرناک صورتحال اختیار کر گیا اے، ساری سیاسی جماعتاں توں گزارش اے کہ کورونا دی ایس او پیز دی پاسداری کرن۔ ڈپٹی سپیکر نے ہور دسیا بلوچستان دے سارے ضلعیاں وچ ترقیاتی منصوبیاں دا اعلان کیتا جائے گا، کوئٹہ وچ موسم سرما وچ گیس پریشر وچ کمی دا دیرینہ مسئلہ سی۔ گیس پائپ لائن دے منصوبے تے 1ارب روپے لاگت آئے گی تے ایہ منصوبہ ستمبر 2021تک پورا ہو جائے گا جہدے بعد کوئٹہ وچ گیس دا مسئلہ حل ہو جائے گا۔