وزیراعظم دا دیامرتے گلگت وچ درختاں دی کٹائی دا نوٹس
اسلام آباد(بیورو رپورٹ ) وزیراعظم عمران خان نے دیامرتے گلگت وچ درختاں دی کٹائی دا نوٹس لے لیا اے تے ایس توں متعلق وزیراعظم نے معاون خصوصی ملک امین اسلم دے نال رابطہ کیتا تے معاملے دی انکوائری دا حکم دیندیاں ہویاں رپورٹ طلب کرلئی۔ وزیراعظم نے ٹمبر مافیا دے خلاف قائم کیتی گئی ٹیماں نوں 24گھنٹے متحرک رہن دی ہدایت وی کردتی اے۔گلگت بلتستان وچ ٹمبرمافیا دے خلاف سخت سزاؤواں اتے مشتمل آرڈیننس نافذ کرن دا فیصلہ کیتا گیا اے۔ معاون خصوصی ملک امین اسلم داآکھنا اے کہ آرڈیننس دے ذریعے ایمنسٹی کلچردا ہمیشہ لئی خاتمہ کیتا جاوے گا۔ درختاں دی غیر قانونی کٹائی وچ ملوث عناصر نوں سخت سزائواں ملن گیاں۔
