خاتون دے نال زیادتی دا معاملہ، بابراعظم نے وکالت نامہ جمع کروادتا

لہور(سٹی رٹپورٹر)قومی ٹیم دے کپتان بابراعظم نے زیادتی تے مارپیٹ دے الزامات عائد کرن والی خاتون دے اندراج مقدمے دی درخواست اتے اپنے وکیل دا وکالت نامہ جمع کروا دتا۔ قومی ٹیم دے کھلاڑی بابراعظم ولوں مبشر سجاد ایڈووکیٹ نے عدالت وچ وکالت نامہ جمع کروایا۔ پلیس نے عدالت وچ نامکمل رپورٹ جمع کروا دتا اے جہدے وچ آکھیا گیااے کہ مذکورہ خاتون نوں پچھ گچھ لئی تھانے وچ بلوایا سی پر اوہ پیش ای نہیں ہوئی۔ پلس نے عدالت نے استدعا کردیاں ہویاں آکھیااے کہ دوواں پارٹیاں دے نال آمنا ساہمنا کروانا درکار اے لہٰذا عدالت مکمل رپورٹ لئی مہلت فراہم کرے۔ عدالت نے پلیس دی استدعا منظور کردیاں ہویاں کیس دی سماعت 14 دسمبر تیک ملتوی کردتی۔ واضح روے کہ چند روزپہلاں اک پریس کانفرنس دے دوران حمیزہ مختار نامی خاتون نے بابر اعظم اتے جنسی زیادتی، تشدد، شادی دا جھانسہ دے کے دھوکہ دین تے مال بٹورن دے سنگین نوعیت دے الزامات عائد کیتے سن۔ایس ویلے قومی ٹیم دے کپتان بابراعظم دورہ نیوزی لینڈ وچ نیں۔ دوجے پاسے پی سی بی نے خاتون دے الزامات نوں بابراعظم داذاتی مسئلہ قرار دے دتا اے۔