میجر شبیر شریف شہیددا49واں یوم شہادت کل منایا جاوے گا

جہانیاں(بیورو رپورٹ)نشان حیدر اعزاز حاصل کرن والے پاک فوج دے میجر شبیر شریف شہیددا49واں یوم شہادت کل منایا جاوے گا۔ ایس سلسلے وچ جہانیاں سنے مختلف شہراں وچ دعائیہ تقریب دا اہتمام کیتا جاوے گا ایہناں دے مزار اتے فاتحہ خوانی تے پھولاں دی چادرچڑھا ئی جا وے گی۔میجر شبیر شریف شہید 28اپریل1943ء نوں ضلع گجرات دے علاقہ کنجاہ وچ پیدا ہوئے سن۔ میجر شبیر شریف نے پاکستانی فوجی درس گاہ کاکول تے 19اپریل 1964ء وچ فرنٹیر فورس رجمنٹ وچ شمولیت اختیار کیتی،3دسمبر 1971ء نوں اوہ بطور کمپنی کمانڈر ف فرنٹیر فورس رجمنٹ ہیڈ سلیمانکی دے محاذ اتے تعینات سن ایس دوران اوہناں نے دشمن فوجیاں تے ٹینکاں نوں بھاری نقصان پہنچایا تے چھ دسمبر 1971ء نوں ملک وقوم لئی اپنی جان قربان کردتی۔ شہادت دے ویلے ایہناں دی عمر 28برس سی۔ ایہناں دی ہمت تے بہادری دے اعتراف سرکار پاکستان نے ایہناں نوں سبھ توں وڈے ملٹری اعزاز نشان حیدر دے نال نوازیا۔ یادروے کہ میجر شبیر شریف شہید پچھلے چیف آف آرمی سٹاف جنرل راحیل شریف دے وڈے بھرا سن۔