سوڈان وچ تعینات پاکستانی سفیر دی مخدوم شاہ محمود قریشی دے نال ملاقات
اسلام آباد (بیورو رپورٹ )سوڈان وچ تعینات پاکستانی سفیر سرفراز احمد سپرا دی وزارتِ خارجہ وچ وزیر خارجہ مخدوم شاہ محمود قریشی دے نال ملاقات،سفیر سرفراز احمد سپرا نے او آئی سی وزرائے خارجہ کونسل دے اجلاس وچ شرکت تے کشمیر دا مقدمہ موثر انداز وچ پیش کرن اتے وزیر خارجہ نوں مبارکباد پیش کیتی ۔ وزیر خارجہ شاہ محمود قریشی د اایس موقع اتے آکھنا سی کہ او آئی سی وزرائے خارجہ کونسل دے سنتالیسویں اجلاس دے موقع اتے اسیں انگیج افریقہ پالیسی دے پیش نظر میں تاں سوڈان سنے بوہت سارے افریقی ممالک دے وزرائے خارجہ دے نال وچار کیتا اے۔ وزیر خارجہ دی پاکستان تے سوڈان دے وچکار دو طرفہ تجارت، سرمایہ کاری تے مختلف شعبہ جات وچ دوطرفہ تعاون د ے میسر مواقعاں نوں پیش نظر رکھدیاں ہویا ں دو طرفہ تعلقات دے فروغ لئی اپنی کاوشاں تیز کرن دی ہدایت کیتی۔
