نادرا دا قنون یتیم طالبہ لئی رکاوٹ بن گیا

کراچی( پنجابی میڈیا گروپ) نادرا دے قنون یتیم طالبہ دی تعلیم وچ رکاوٹ بن گئے تے تعلیم جاری رکھن لئی بے سہارا طالبہ انصاف لئی سندھ ہائیکورٹ پہنچ گئی۔دائر درخواست وچ ماہم رحمان نے موقف اختیار کیتا کہ والدین دنیا وچ نہیں، تعلیم جاری رکھنا چاہندی واں لیکن نادرا نے ب فارم جاری نہیں کیتا تے میٹرک بورڈ نے ایڈمٹ کارڈ روک دتا۔درخواست گزار دے وکیل عثمان فاروق ایڈووکیٹ نے دسیا کہ بچی دا کوئی وارث نہیں، مختلف رشتہ داراں دے گھر وچ رہندی اے، 3 مہینیدی ساں تے والد 3 ورھیاں دی ہوئی تیوالدہ دا انتقال ہوگیا۔عثمان فاروق نے آکھیا کہ بے سہارا بچی تعلیم جاری رکھنا چاہندی اے، لیکن نادرا نے والدین دے بغیر ب فارم جاری کرن توںانکار کردتا، ماہم رحمان نوں ب فارم تے ایڈمٹ کارڈ جاری کرن داحکم دتا جائے۔