دنیا وچ کورونا توں نبردآزما ہون لئی 10 نکاتی پلان عمران خان دی قائدانہ صلاحیتاں دا منہ بولدا ثبوت اے،شبلی فراز
اسلام آباد (بیورو رپورٹ ) وفاقی وزیر اطلاعات سینیٹر شبلی فراز نے آکھیا اے کہ دنیا وچ کورونا توں نبردآزما ہون لئی 10 نکاتی پلان عمران خان دی قائدانہ صلاحیتاں دا منہ بولدا ثبوت اے۔سماجی رابطے دی ویب سائٹ ٹویٹر اتے اپنے اک ٹوئیٹ وچ سینیٹر شبلی فراز نے آکھیا اے کہ غریب ملکاں لئی 500ارب ڈالردے فنڈ دا قیام، غریب ملکاں دے قرض دی معاشی ، کرپٹ سیاستداناں تے مجرماں کولوں لٹی دولت دی واپسی لئی وزیراعظم عمران خان دا کھلا اظہار درحقیقت غریب دی آواز اے۔ شبلی فرازہورا ں نے مزیدآکھیا اے کہ عمران خان واحد لیڈر نیں جہڑے کورونا متاثرہ ملک لئی مساوی ویکسین دی فراہمی دی گل کر رہے نیں۔
