گوجرانوالہ: 100 سال پرانے سٹی ریلوے سٹیشن دی عمارت کھنڈر وچ تبدیل

گوجرانوالہ ( بیورو رپورٹ ) گوجرانوالہ وچ 100 سال پرانے سٹی ریلوے سٹیشن دی عمارت کھنڈر وچ تبدیل ہوگئی اے۔ جہدے بعد ایس جگہ نوں نشیئاں تے آوارہ کتیاں نے اپنی آماجگاہ بنا لیا اے۔ گوجرانوالہ دا سوسالہ پرانا تاریخی ریلوے سٹیشن جتھے کدی ٹرین دی آمدورفت اتے مسافراں دی بھاگم دوڑ ہوندی سی پر سٹیشن ختم ہون دے نال ایہہ جگہ ہن کھنڈر وچ تبدیل ہو گئی اے۔ پچھلے دور سرکار وچ سٹی ریلوے سٹیشن نوں مسمار کر کے ایس جگہ اتے بینک تے فوڈ سٹریٹ بنان دے کم شروع کیتا گیا جہڑا کہ کجھ عرصہ بعد رک گیا جہدے بعد ایہہ بیش قیمت اراضی ہن ویران پئی اے۔