پورے ملک وچ سیاسی تے مذہبی عسکری گروہواں دے خلاف کریک ڈان دا فیصلہ

اسلام آباد( پنجابی میڈیا گروپ)ملک بھر وچ سیاسی تے مذہبی عسکری گروہواں دے خلاف کریک ڈان دا فیصلہ کرلیا گیا۔ وزارت داخلہ نے صوبائی حکومتاں نوں فوری کارروائی لئی مراسلہ جاری کر دتا۔وزارت داخلہ نے آکھیا کہ اوہناں عسکری گروہواں نے باقاعدہ یونیفارم پہن رکھی اے،اوہناں گروہواں دے اہلکاراں نے رینکس دے بیجز لگا رکھے نیں، ایسے عسکری گروہواں دا قیام نیشنل ایکشن پلان دی شق3دی خلاف ورزی اے، ایہ عسکری گروہ آئین دے آرٹیکل256دے منافی وی نیں، ایسے گروہ ملک دے وقار تے ساکھ لئی نقصان دہ نیں، صوبائی حکومتاں ایسے عسکری گروہواں داخاتمہ یقینی بنائے، وفاق تعاون کرے گا۔