وزیر توانائی دے نال چینی سفیر دی ملاقات ،چین دا پاکستان دے نال توانائی شعبے وچ تعاون جاری روے گا،چینی سفیر

اسلام آباد(بیورو رپورٹ) وزیر توانائی عمر ایوب نے آکھیا اے کہ سی پیک، پاک چین دوستی تے باہمی معاشی ترقی وچ بنیادی اہمیت دا حامل اے ۔ معاشی ترقی لئی توانائی سیکٹر اہم کردار اداکردا اے۔ ایہناں خیالات دا اظہار اوہنا ں نے چینی سفیر نونگ رونگ دے نال گل با ت دے دوران کیتا۔ جہناں نے ایہناں دے نال ملاقات کیتی۔ ملاقات وچ چیئرمین سی پیک اتھارٹی عاصم سلیم باجوہ اتے معاون خصوصی برائے پاور تابش گوہر نے وی شرکت کیتی ۔ ملاقات وچ توانائی دے شعبے تے سی پیک دے تحت پاور پراجیکٹس اتے وچار کیتا گیا۔ وزیر خزانہ عمر ایوب نے آکھیا اے کہ ساڈی سرکار مستحکم تے سستی بجلی دے نرخاں اتے کم کر رہی اے۔ اوہناں نے آکھیا اے کہ صنعتی شعبے نوں سستی بجلی دی فراہمی دے نال ایہہ شعبہ ترقی کرے گا۔ایس موقع اتے چینی سفیر نونگ رونگ نے آکھیا اے کہ چین دا پاکستان دے نال توانائی شعبے وچ تعاون جاری روے گا۔