مریم دی رسائی تے پارلیمنٹ دی سیڑھیاں تیک وی نہیں، فردوس عاشق

لہور( سٹی رپورٹر ) وزیراعلیٰ پنجاب دی معاون خصوصی فردوس عاشق اعوان نے آکھیا اے کہ مریم دی رسائی تے پارلیمنٹ دی سیڑھیاں تیک وی نہیں، جدکہ ایہناں دی سیاست پی ڈی ایم والے بھینٹ چڑھ جان گے۔ نجی ٹی وی دے نال گل با ت کردیاں ہویاں ڈاکٹر فردوس عاشق اعوان نے آکھیا اے کہ 13 دسمبر نوںایہہ قانون نوں للکار کرآکھ رہے نیں کہ یا آر ہووے گا یا پار ہووے گا، اپوزیشن نوں دسنا چاہنی واں کہ تیرہ دسمبر نوں صرف قانون دا وار ہووے گا تے قانون ای اصل حکمران ہووے گا۔ اوہناں نے مزیدآکھیا اے کہ استعفیٰ لین دی گلاں دیوانے دی بڑھکاں نیں۔ ساڈی جت ہووے گی تے ایہناں وزیراعظم دے استعفے دی بجائے اپنا استعفیٰ دینا پے گا۔ معاون خصوصی داآکھنا سی کہ مریم دی سیاست اتے پی ڈی ایم والے خود بلی چڑھ جان گے۔ پی ڈی ایم دی ساری قیادت مریم دے درد نوں سمجھدی اے۔ مریم دی رسائی تے پارلیمنٹ دی سیڑھیاں تیک وی نہیںاے۔ فردوس عاشق نے آکھیا اے کہ مولانا فضل الرحمن اتے پارلیمنٹ دی سیڑھیاں نہیں گیٹ بند ہوئے نیں۔