مشکل وقت لنگ گیا، ہن کھلاڑیوں دا فوکس صرف کھیڈ اُتے ہوئے گا: منیجر قومی ٹیم

اسلام آباد ( پنجابی میڈیا گروپ )پاکستان کرکٹ ٹیم دے منیجر منصور رانا دا کہنا اے کہ مشکل وقت گزر گیا، ہن ساریاں کھیڈاریاں دے حوصلے بلند نیں تے فوکس صرف و صرف کھیڈ اُتے ہوئے گا۔پاکستان کرکٹ اسکواڈ دی کرائسٹ چرچ وچ مینجڈ آئسولیشن ختم ہو گئی اے تے اسکواڈ کل کوئنز ٹائون جائے گا جیتھے اسکواڈ دے اراکان ٹریننگ سیشنز وچ حصہ لین گے۔ پاکستانی اسکواڈ نے چودہ دن دا مینجڈ آئسولیشن کرائسٹ چرچ وچ مکمل کیتی، ایس دوران اسکواڈ نوں کئی وار کووڈ19ٹیسٹنگ دے عمل توں لنگنا پیا۔آئسولیشن دے دوران کجھ کیس مثبت آن دی وجہ توں پہلاں توں طے شدہ ٹریننگ دی اجازت نہ مل سکی تے اسکواڈ نوں صرف چہل قدمی دی اجازت سی۔پاکستان اسکواڈ دے اراکان دا وقت مینجڈ آئسولیشن دی وجہ نال ہوٹل دے کمرایاں وچ ہی گزریا جس دی وجہ نال اوہناں نوں مشکلاں دا ساہمنا وی کرنا پئیا۔