اداکارہ زینب جمیل نے اسلام دی خاطر شوبزنوں چھڈ دتا

لہور( پنجابی میڈیا گروپ)اداکارہ تے ماڈل زینب جمیل نے اسلام دی خاطر شوبز انڈسٹری چھڈن دا اعلان کردتا۔میڈیا رپورٹ دے مطابق زینب جمیل نے سوشل میڈیا اُتے اپنی پوسٹ وچ لکھیااے کہ میں فخر نال ایس گل دا اعلان کر رہی آں کہ میں اداکاری تے ماڈلنگ چھڈ دتی اے،میں اللہ تعالی دی شکرگزار آں کہ اوس نے مینوں قرآن و حدیث دی تعلیم حاصل کرن دا شرف بخشیا اے ۔ میں ہناپنی زندگی اسلامی تعلیمات دے مطابق بسر کردیاں ہوئیاں دین اسلام دی ودھ توں ودھ تعلیم حاصل کراں گی ۔زینب جمیل نے آکھیا کہ شوبز توں دور ہون دا فیصلہ کرکے اپنے آپ نوں پرسکون محسوس کررہی آں ۔ایس توں پہلاں اوہناں نے اک نجی چینل نال بطور نیوز اینکر کیریئر دا آغاز کیتاسی۔