منشیات دے خلاف جنگ کراں گے : عمران خان

راولپنڈی ( پنجابی میڈیا گروپ) وزیراعظم عمران خان نے آکھیااے کہ پاکستان وچ 70 لکھ افراد منشیات دے عادی بن چکے نیں، سانوں نوجواناں نوں منشیات دی لعنت توں بچانا اے۔ ڈرگ آئس تعلیمی اداریاں وچ پھیل چکی اے جہڑی باعث تشویش اے۔ کرپشن تے منشیات دے خلاف سانوں متحد ہو کے کم کرنا اے۔ کرپشن تے منشیات دے دھندے کرکے لوکائی چنائو وی جتے نیں۔ کرپشن تے منشیات پورے معاشرے لئی ناسور، ڈرگز توں حاصل پیسہ سیاست وچ استعمال ہوندا رہیا اے۔ کرپٹ عناصر نو ںبرا سمجھنا ہووے گا۔راولپنڈی وچ اینٹی نارکوٹکس فورس ہیڈکوارٹرز وچ نئی عمار ت دی افتتاحی تقریب دے نال خطا ب کردیاں ہویاں عمران خان نے آکھیا اے کہ ماضی وچ منشیات دے خاتمے توں متعلق اقدامات اتے توجہ نہیں دتی گئی۔ افغان جہاد دے ویلے پہلی واری پاکستان وچ ڈرگز دا سنیا، افغانستان توں پاکستان وچ منشیات آئوندی تے اگے جاندی سی۔ 80دی دہائی وچ جس نے منشیات توں پیسہ بنایا ایس نوں غلط سمجھیا ای نہیں گیا۔ عمران خان ہوراں نے آکھیا اے کہ جس گھر وچ اک وی منشیات دا عادی ہو وے اوہ گھر تباہ ہو جاند اے۔