مسلم لیگ نون ولوں استعفے آنا شروع ہو گئے

لہور( پنجابی میڈیا گروپ)مسلم لیگ ن دے سینئر رہنما ایم این اے ملک افضل کھوکھر، ایم پی اے سیف الملکوک کھوکھر تے رانا منور غوث نے اپنے استعفے پارٹی نوں جمع کرا دتے۔
اپوزیشن ولوں جِتھے حکومت مخالف تحریک زور پھڑ گئی اے تے اوتھے ای مسلم لیگ ن دے سینئر رہنماواں ولوں اسمبلی توں استعفیٰ دین دا سلسلہ وی شروع ہو گیا اے۔ سرگودھا دے ایم پی اے رانا منور غوث پارٹی قیادت نوں پہلاں ہی اپنا استعفی جمع کرواچکے نیں جدکہ ہن ن لیگ دے ایم این اے ملک افضل کھوکھر، ایم پی اے سیف الملکوک کھوکھر نے وی اپنے استعفے جمع کروانا شروع کر دتے نیں۔ مسلم لیگ ن دے ایم پی اے ملک سیف الملوک کھوکھر نے سپیکر پنجاب اسمبلی نوں استعفیٰ گھل دتا اے۔ استعفیٰ وچ آکھیا گیا اے کہ موجودہ حالات تے قوم دی بہتری لئی سلیکٹڈ حکومت توں نجات ضروری اے، حکومت ملک و قوم اُتے بوجھ بن چکی اے ایس نوں گھر چلے جانا چاہیدااے۔