مولانا فضل الرحمان تے مریم نواز جو چاہ رہے نیں اوہ نہیں ہوئے گا، فواد چوہدری

اسلام آباد( پنجابی میڈیا گروپ) وفاقی وزیر سائنس و ٹیکنالوجی فواد چوہدری آکھ رہے نیں کہ مولانا فضل الرحمان تے مریم نواز جو چاہ رہے نیں ا وہ نہیں ہوئے گا۔اپنی ٹوئٹ وچ فواد چوہدری نے آکھیا کہ اوہناں دیاسپیکر قومی اسمبلی نال گل بات ہوئی، اوہناں دے مطابق استعفے صرف میڈیا اُتے ہی چل رہے نیں اک وی رکن اسمبلی نے اسمبلی سیکرٹریٹ نوں استعفی نہیں گھلیا۔وفاقی وزیر دا کہنا سی کہ مولانا فضل الرحمن تے مریم بی بی جو چاہ رہے نیں اوہ نہیں ہونا، تلخیاں گھٹ کرن دی ضرورت اے مسئلہ جلسیاں نال نہیں سمجھ نالحل ہونا اے۔واضح رہے کہ پچھلے دناںاسلام آباد وچ پی ڈی ایم دا سربراہی اجلاس ہویا سی جس توں بعد میڈیا نوں بریفنگ دیندیاں ہوئیاں مولانا فضل الرحمان نے اجلاس وچ کیتے گئے فیصیلیاں توں آگاہ کیتا سی۔ اوہناںنے آکھیا کہ سارے پارلیمانی جماعتاں دے اراکاناں نوں ہدایت کردتی اے کہ اوہ31دسمبر تک اپنے استعفیٰ جمع کرادیں، سندھ سمیت ساریاں اسمبلیاں دے استعفے جمع کروائے جان گے۔