چین دی ویکسین کامیاب ہو گئی، متحدہ عرب امارات

ابوظہبی( پنجابی میڈیا گروپ) چین دی کورونا وائرس متحدہ عرب امارات وچ کیتے گئے تجرباتی آزمائش دے دوران 86 فیصد موثر پائی گئی جد کہ ویکسین دے مضر اثرات وی سامنے نہیں آئے۔عالمی خبر رساں ادارے دے مطابق متحدہ عرب امارات دے محکمہ صحت ولوں آکھیا گیا کہ چین دی دوا ساز کمپنی سینو فارم دی ویکسین دی ٹرائی تیجے مرحلے وچ پورے ملک وچ125ممالک نال تعلق رکھن والے31ہزار رضاکاراں نوں ویکسین لائیگئی۔ویکسین لگوان والیاں وچ متحدہ عرب امارات دے نائب صدر تے وزیراعظم محمد بن راشد المکتوم وی شامل نیں جد کہ وزیر صحت سمیت کجھ اعلی حکام نے ویآزمائشی طور اُتے ویکسین لگوائی سی۔متحدہ عرب امارات وچ ایس سال توں ہی جاری ٹرائی وچ سینو فارم دی ویکسین نوں86فیصد تک کامیاب پایا گیا۔ جد کہ ویکسین دا سیرو کنورژن ریٹ99فیصد رہیا، ایہ ویکسین18توں60ورھے دی عمر دے لوکاں نوںلگائی گئی سی۔ایہ خیال رہے کہ متحدہ عرب امارات وچ کورونا وائرس دے مریضاں دی مجموعی تعداد اک لکھ78ہزار883ہوگئی اے جد کہ ایس مہلک وائرس نال ہلاک ہون والیاں دی تعداد596اے۔واضح رہے کہ کورونا ویکسین دا سب توں پہلا ٹیکہ برطانیہ دی90سالہ خاتون نوں لگایا جا چکیا اے، برطانیہ پہلا ملک اے جتھے کورونا دی ویکسینیشن دا آغاز ہوگیا اے تاہم اوہناں نے فائزر دی ویکسین دا انتخاب کیتا اے۔