دوستی دی پیشکش !اک کُڑی نوں پُھل دتا تے اوس نے میرا مذاق اڑایا: حمزہ علی عباسی
کراچی( پنجابی میڈیا گروپ) اداکار حمزہ علی عباسی دا کہنا اے کہ مینوں کدی سچی محبت نہیں ہوئی لیکن پنجویں جماعت وچ اک کُڑ ی نوں پُھل دتاتے دوستی لئی آکھیا اک انٹریو وچ حمزہ علی عباسی نے عشق تے سچی محبت اُتے گل بات کر دیاں آکھیا کہ میری ایسی کوئی کہانی نہیں کہ جس نال میرا وی دل ٹٹیا ہوئے یا میں رویا ہواں تے مینوں وی عشق ہوئیا ہوئے، حقیقت ایہ اے میں کدی سچی محبت وچ گرفتار نہیں ہویا۔حمزہ علی عباسی نے اپنی زندگی بارے اک واقعہ سنایاکہ زندگی وچ مینوں پہلی وار اک کُڑی بہت پسند آئی سی تے اوس وقت میں پنجویں جماعت وچ سی، میں اوس وقت بہت موٹا ساں لیکن فیر وی اپنے آپ نوںسمارٹ سمجھدا ساں ۔ میں بہت پراعتماد انداز وچ اوس کُڑی کول گیا تے اوس نوں پُھل دے کہ دوستی دی پیشکش کردیاں آکھیا کہ تُسی مینوںبہت چنگے لگدے او جس اُتے اوہ اپنے دوستاں سمیت میرے اُتے ہنسن لگی تے مینوں بہت افسوس ہویا لیکن اج ایس گل اُتے بہت ہنسی آندی اے۔
