پھٹیچر ارکاناں دے استعفے صرف سوشل میڈیا اُتے آرہے نیں: فیاض الحسن چوہان

لہور(پنجابی میڈیا گروپ)وزیر کالونیز و جیل خانہ جات پنجاب فیاض الحسن چوہان داآکھنا اے کہ میاں نوازشریف ،بیگم صفدراعوان تے مولانافضل الرحمن نے استعفیاں دی جلدی اے۔ریلو کٹیاں تے پھٹیچر اراکین دے استعفے صرف سوشل میڈیا اتے آرے نیں۔ وزیر کالونیز و جیل خانہ جات پنجاب فیاض الحسن چوہان نے اپنے ویڈیو پیغام وچ آکھیا اے کہ پیپلزپارٹی مسلم لیگ ن تے دیگر پارٹیاں ہچکچا رہیاں نیں ،کیونکہ سبھ جاندے نیں کہ استعفے دین دے ناال مولانا فضل الرحمن تے نوازشریف تے بیگم صفدراعوان دا کجھ نہیں جاندا۔ فیاض الحسن چوہان ہوراںنے مزیدآکھیا اے کہ چیئرمین پیپلزپارٹی بلاول بھٹو زردار ی دے پلان بی، سی توں متعلق سوال اتے وی پی ڈی ایم قیاد ت لاجوب نظر آئی۔ ایہناں داآکھنا سی کہ پی ڈی ایم قیادت صرف اپنی کرپشن بچان لئی انارکی پھیلانا چاہندی اے۔ فیاض الحسن نے مزیدآکھیا اے کہ پی ڈی ایم قیادت اسمبلیاں توں استعفیاں اتے شش وپنج دا شکار اے۔