کارکناں نوں گرفتار کیتا گیا تے ذمہ دار پنجاب سرکار ہووے گی:مریم اورنگزیب

لہور(پنجابی میڈیا گروپ) مریم اورنگزیب نے آکھیا اے کہ عمران خان نے آکھیا سی اپوزیشن دے احتجاج اتے کنٹینر فراہم کراں گا۔پر ہن لیگی کارکناں نوں گرفتار کیتا جا رہیا اے ، ردعمل دا تے ذمہ دار پنجاب سرکار ہووے گی۔ترجمان مسلم لیگ نون مریم اورنگزیب نے میڈیا دے نال گل بات کردیاں ہویاں آکھیا اے کہ سرکار روز بیان دیندی اے ، جلسہ نہیں روکا گے، عوامی ردعمل نہیں رک سکدا، گرفتاری دی دھمکیاں دے باوجود کوئی جلسہ نہیں رکیا۔ وزیراعظم عمران خان دا مقابلہ پی ڈی ایم دے نال نہیں، ڈی جے بٹ دے نال اے۔ عمران خان دا ناں ای سی ایل وچ ڈالنا چاہید اے۔ ڈی جے بٹ دے نال مقابلے دے بعد ایہہ نس سکدے نیں۔ ترجمان ن لیگ مریم اورنگزیب ہوراں داآکھنا سی کہ سرکار ہوش دے ناخن لوے۔ تسا ں ایف آئی آر کاٹو،اسیں فریم کرا کے گھراں وچ لگواں گے۔ ایہہ نفسیاتی تے جمہوری جنگ اے۔ مینارپاکستان گرائونڈ وچ تیرہ دسمبر نوں جلسہ ہووے گا۔ مریم نواز اج گجومتہ توں داتا دربار تیک ریلی وچ شرکت کرن گے۔