حکومت نوں استعفیاں نال کوئی نقصان نہیں:شیخ رشید

لہور(پنجابی میڈیا گروپ)وفاقی وزیر شیخ رشید نے آکھیا اے کہ اپوزیشن دے استعفیاں دے نال عمران خان یا اسمبلی نوں کوئی نقصان نہیں ہو وے گا۔مولانا فضل الرحمن نے اسلام دی بجائے اسلام آباد اتے نظر رکھی ہوئی اے۔ لہور وچ پریس کانفرنس کردیاں ہویاں وفاقی وزیر ریلوے شیخ رشید ہوراں داآکھنا سی کہ پوری دنیا دے وزیراعظم وی مرجان تے فضل الرحمن دا قرعہ نہیں نکلے گا۔ سینیٹ چنائو دے بعد عمران خان ہور مضبوط ہوجاوے گا۔ اپوزیشن والے ہتھ زمین اتے لگان یاپیر، استعفیاں دے نال عمران خان یا اسمبلی نوں کوئی نقصان نہیں ہو وے گا۔عمران نوں کوئی فرق نہیں پیندا۔ مینار پاکستان توں ای عمران خان اوتھے گیا سی۔ ایہتھوں ای پی ڈی ایم تھلے آوے گی۔ شیخ رشید ہوراں نے آکھیا اے کہ عمران خان نے کل دعوت دتی اے کہ آئو تے اسمبلی وچ گل بات کرو۔ اگر اپوزیشن والے عمرا ن خان دے نال مذاکرات نہیں کرسکدے تے دس دین کہدے نال مذاکرات کرنے نیں۔ پی ڈی ایم والے بڑے شوق دے نال اسلام آباد آن۔ سردی ایہناں نوں بھرپور جی آیاں نوں آکھے گی۔ لہور وچ ہائی الرٹ اے ،شاہدرہ توں پنج ات گرد پھڑے گئے نیں۔