جوبائیڈن گوگل اتے سبھ توں زیادہ سرچ کیتی جان والی سیاسی شخصیت

واشنگٹن (پنجابی میڈیا گروپ)سرچ انجن گوگل نے دنیا وچ 2020د ے دوران سبھ توں زیادہ سرچ کیتی جان والی سیاسی شخصیت دی فہرست جاری کردتی اے۔ گوگل دے مطابق تلاش دے حوالے توں جہڑی فہرست ترتیب دتی گئی اے ایہدے وچ اجتماعی رحجانات نوں پیش نظر رکھیا گیا اے۔ امریکہ دے نو منتخب صدر جو بائیڈن سیاسی شخصیات وچ سر فہرست نیں جہناں نوں گوگل اتے سبھ توں زیادہ سرچ کیتا گیا اے۔ اوہناں نے ٹرمپ دے مقابلے وچ الیکشن جتیا تے اوہ امریکہ دے 46ویں صدر ہون گے۔نو منتخب جوبائیڈن 20 جنوری 2021 ء نوں حلف چکن گے۔ بائیڈن پچھلے امریکی صدرباراک اومامہ دے دور وچ وی نائب صدر رہے نیں۔