2پاکستان نیں اک طاقتور دا دُجاغریب دا ، اسلام آباد ہائیکورٹ

اسلام آباد( پنجابی میڈیا گروپ)ہائی کورٹ دا کہنا اے وزیراعظم ٹھیک کہندے نیں دو پاکستان نیں، اک امیر تے طاقتور لئی تے دوسرا غریب لئی۔ اسلام آباد ہائی کورٹ وچ اراضی ایکوائر ہون تے متاثرین نوں معاوضیاں دی عدم ادائیگی دے کیس دی سماعت ہوئی، دوران سماعت چیف جسٹس اطہر من اللہ نے ریمارکس دتے کہ اسلام آباد وچ جہڑے لوکاں توں پیو دادے دی زمیناں کھوئیاں گئیاں اوہ معاوضیاں لئی دھکے کھا رہے نیں، وفاقی دارالحکومت وچ اشرافیہ دا قبضہ اے تے غریب نوں اراضی دا معاوضہ وی نہیں ملدا۔ عدالت نے سی ڈی اے متاثرین نوں معاوضیاں دی عدم ادائیگی تے برہمی دا اظہار کردیاں آکھیا وفاقی ترقیاتی ادارے سی ڈی اے نوں شرم نال ڈُب مرنا چاہیدا اے، وزیراعظم ٹھیک کہندے نیں دو پاکستان نیں، اک پاکستان امیر تے طاقتور لئی تے دوسرا غریب لئی۔