اداریاں اُتے پتھرائوتے دھمکیاں نون لیگ دی شناخت اے: شہباز گل

لہور(پنجابی میڈیا گروپ)معاون خصوصی شہبازگل نے آکھیا اے کہ سزا یافتہ مجرم دے آکھن اتے استعفے سپیکر دی بجائے ریجکٹیڈمولانا فضل الرحمن دے کول جمع کرنا جعلی استعفیاں دی دلیل اے۔عوام دی آکھاں وچ دھول جھونکن دے بجائے استعفے سپیکر نوں دیوو۔تفصیلات دے مطابق معاون خصوصی وزیراعظم شہباز گل نے سماجی رابطے دی ویب سائٹ اتے ٹویٹ کردیاں ہویاںآکھیا اے کہ پی ڈی ایم دے سٹیج اتے اکٹھے ایہہ کرپشن زدہ چہرے پاکستان دی تباہی دے ذمہ دار نیں، قوم جان چکی اے کرپشن تہاڈا ایمان تے بلیک میلنگ تہاڈے ہتھیار نیں۔ جتنے مرضی جنت کرلوو ڈرامے بازیاں دے نال کم نہیں چلن والا۔شاہی خاندان ذاتی مفادات لئی اک واری فیر سیاست نوں انتشار ،فساد ول دھکیل رہیا اے۔ سپریم کورٹ اتے حملہ ،اداریاں اتے پتھرائو، دھمکیاں دینا ن لیگ دی شناخت اے۔