راجکماری نے معصوم عوام نوں ڈنڈے تھما دتے: فردوس عاشق اعوان

لہور(پنجابی میڈیا گروپ)معاون خصوصی وزیراعلیٰ پنجاب فردوس عاشق اعوان نے آکھیا اے کہ ڈنڈا بردار جتھے بد حواس پی ڈی ایم دی پریشانی ظاہر کر رہے نیں۔راجکماری تے ایہدے چیلیاںنے معصوم عوام نوں ڈنڈے تھما دتے۔ہن مسلم لیگ ن والے اوچھے ہتھکنڈیاں اُتے اُترآئے نیں۔ تفصیلات دے مطابق معاونِ خصوصی وزیراعلی پنجاب ڈاکٹر فردوس عاشق اعوان نے سماجی رابطے دی ویب سائٹ اتے ٹویٹ کردیاں ہویاں آکھیا اے کہ شاہی خاندان ذاتی مفادات لئی اک واری فیر سیاست نوں انتشار ول دھکیل رہیا اے۔ موجودہ حالات وچ جلسہ کرنا عوام دے نال دشمنی کرن دے مترادف اے۔ کیونکہ پاکستان وچ ایس ویلے کرونا دی دوجی لہر دا زور اے۔ ایس ویلے ایسیں عوام نوں انج مردیاں نہیں ویکھ سکدے ، پر پی ڈی ایم والے اپنے نال نال معصوم عوام دی جاناں دی دشمن بن گئی اے۔ طے ہو چکیا کے نئے پاکستان وچ کرپشن دے ناسوراں لئی کوئی جگہ نہیں۔