ایس اوپیز دی خلاف ورزی، اشتعال انگیزتقاریر:مریم نواز سنے200 لیگیاں دے خلاف مقدمے درج

لہور( پنجابی میڈیا گروپ) ایس اوپیز دی خلاف ورزی ،اشتعال انگیزتقاریراتے مسلم لیگ ن دی مرکزی نائب صدر مریم نوازسنے200 لیگی رہنمائوواں دے خلاف مختلف تھانیاں وچ مقدمات درج کر لئے گئے نیں۔ میڈیا رپورٹ دے مطابق مریم نواز دے خلاف پچھلے روز ریلی کڈن اتے تھانہ لوہاری گیٹ، گوالمنڈی، مزنگ تے اچھرہ وچ مقدمات درج نیں۔مقدمے وچ ایس اوپیزدی خلاف ورزی، اشتعال انگیزتقاریرتے دیگردفعات شامل کیتیاں گیاں نیں۔ ایس او پیز دی خلاف ورزی اتے ہوٹل مالکان دے خلاف وی مقدمہ درج کیتا گیا اے۔ مزنگ تھانے وچ مقدمہ مریم نواز تے لیگی رہنما سنے دو سو توں زائد کارکنان دے خلاف اے۔ پلس نے مقدمہ پٹواری شاہ نواز دی درخواست اتے درج کیتا اے۔